لندن(نیوز ڈیسک ) عام طور پر موسم سرما کی شروعات کے ساتھ ہی جلد سے متعلقہ کئی ایک مسائل سامنے آنے لگتے ہیں۔ سردیوں کی آمد کے ساتھ آنے والے ان مسائل میں ایک بڑا مسئلہ خشک جلد بھی ہے۔عام طور سردی کی وجہ سے ہماری جلد انتہا ئی خشک اور روکھی ہوجاتی ہے اور اس پر لائینیں بڑی حد تک نمایاں ہونے لگتی ہیں۔ماہرین امراض جلد کی طرف سے جسم کی خشکی ختم کرنے اور اسے تروتازہ رکھنے کیلئے چند آسان حل بتائے گئے ہیں۔ماو¿نٹ سینائی ہسپتا کے ماہر امراض جلد ڈاکٹر جو شیوا کی رائے کے مطابق سردیوں میں ذیادہ گرم پانی سے دیر تک غسل لینے سے جہاں تک ممکن ہو اجتناب کریں۔انکا کہنا ہے کہ گرم پانی ہمارے جسم کی چکنائی کو بڑی حد تک ختم کرنے کا موجب بنتا ہے جس کے ذیادہ استعما ل سے ہماری جلد روکھی اور بے جان ہو جاتی ہے۔ڈاکٹر جو شیوا کا کہنا ہے کہ موسم سرما میں نہاتے ہوئے صابن کا استعمال بھی کم سے کم کریں کیونکہ صابن میں استعمال کیے جانے والے اجزاءمیں ایک جز پی ایچ بھی پایا جاتا ہے جو چکنائی کو ختم کرتا ہے جس کے ذیادہ استعمال سے جلد کھردری ہو جاتی ہے۔انکا مزید کہنا ہے کہ سردیوں میں نہانے کے بعد اپنے جسم کے تولیے سے ذیادہ رگڑ کر صاف کرنے کی کو شش نہ کریں اس سے جلد کی اوپری سطح پر رہی سہی چکنائی کی تہہ بھی بالکل ختم ہو جاتی ہے۔علاوہ ازیں کو شش کریں کہ موئسچرائز ر کا استعمال بڑھا نے کے ساتھ خشک میوہ جات کا استعما ل بھی جاری رکھیں اس سے آپکی جلد بڑی حد تک خشکی سے محفوظ اور تروتازہ رہے گی۔