لندن(نیوز ڈیسک)آج ہم آپ کے ساتھ ایسی تحقیق کا ذکر کرنے والے ہیں جو ہر طرف خوشیاں بکھیرے گی۔محققین نے دریافت کیاہے کہ ٹائپ 2ذیابیطس کی بیماری لبلبے میں بننے والی چکنائی کے باعث لاحق ہوتی ہے اوریہی چکنائی اگر ایک گرام سے بھی کم ہوجائے تو ٹائپ ذیابیطس جڑ سے ختم ہوسکتاہے۔نیو کاسل یونیورسٹی برطانیہ کی تحقیقاتی ٹیم کے سربراہ روئے ٹیلر کا کہناہے کہ ٹائپ ٹو ذیابیطس کے مریض اگر لبلبے کی چکنائی کو کم کرسکیں تو وہ صحت مند زندگی کی جانب واپس لوٹ سکتے ہیں۔ٹیلر نے کہاکہ اگر آپ یہ پوچھیں کہ ذیابیطس سے چھٹکارے کیلئے کتنا وزن کم کرنا پڑے گا تو اس کا جواب ہے ، صرف ایک گرام ، لیکن یہ ایک گرام وزن اس چربی کا ہے جو لبلبے میں موجود ہے۔ان کا کہنا تھا کہ فی الوقت اس سے چھٹکارے کا واحد راستہ یہی ہے کہ کیلوریز سے ہر صورت پرہیز کیا جائے ، چاہے وہ غذا کے ذریعے یا آپریشن کی صورت میں۔محققین کے مطابق جب زائد چربی ہٹا دی جاتی ہے تو انسولین کاافراز نارمل سطح تک بڑھ جاتاہے بہ الفاظ دیگروہ ذیابیطس سے چھٹکارہ حاصل کرلیتے ہیں۔یہ تحقیق ڈیابیٹس کیئر جریدے میں شائع ہوئی ہے۔