اسلام آباد(نیوز ڈیسک )جینیاتی طورپر تبدیل شدہ فصلوں اور مصنوعی غذاﺅں سے متعلق میڈیا کی اشتہار بازیوں نے موجودہ دور میں انسان کیلئے بہتر غذا کا انتخاب انتہائی مشکل بنادیاہے۔ یہاں پر ہم آپ کیلئے غذا کے انتخاب کے طریقے بتا رہے جن کے ذریعے آپ ایک صحت مند اور بھرپور زندگی گزار سکتے ہیں۔ہمیشہ تازہ اور مقامی طورپر تیار کردہ خوراک کا انتخاب کریںسادہ غذا کا انتخاب ٹریک پر قائم رہنے کا سب سے آسان طریقہ ہے۔ہمیشہ تازہ اور کیمیکل سے پاک قدرتی غذاکھائیں۔سبزیوں ، پھلوں اور ڈیری مصنوعات کو ترجیح دیں۔ کھانے کا ہفتہ وار مینو ترتیب دیں۔جسم کی ضروریات کو مدنظر رکھیںغذا نہیں بتائے گی کہ آپ کو کیا ضرورت ہے بلکہ متوازن غذا کا انتخاب آپ نے خود کرناہے۔بڑھتی عمر ،زندگی گزارنے کا انداز اور ہارمونل عوامل کی وجہ سے ہمارے جسم کی ضروریات بھی ہر چند سالوں بعد تبدیل ہوتی رہتی ہیں۔اس میں کوئی شک نہیں کہ خوراک صحت مند اور ہشاش بشاش رہنے کیلئے بنیادی کردار ادا کرتی ہے لیکن اس کے ساتھ ساتھ روزانہ کی ورزش اور لائف سٹائل کی تبدیلی سے بھی بہت بڑا فرق پڑتاہے۔غذا سے متعلق حقائق جانیںشیلف سے کھانے کی پراڈکٹس اٹھائیں اور ان پر لکھے ہوئے غذائی لیبل کو غور سے پڑھیں۔اس طرح آپ کو یہ سمجھنے میں مددملے گی کہ پیکٹ کے اندر کیا غذائی اجزائ اور کتنی مقدار میں موجود ہیں۔جہاں تک ممکن ہو چکنائی والی غذاﺅں اور ان کیمیائی ناموں سے دور رہیں جو کی سمجھ سے بالاتر ہیں۔اپنی غذا کی افادیت سے آگاہی ہوناضروری ہے جسم کو مطلوبہ غذائیت کا سمجھنا ضروری ہے۔آپ کی فٹنس اور غذا سب آپ کے اپنے ہاتھ میں ہے۔ایک صحت مند اور بھرپور زندگی آپ کی موجودہ دنیا کو آسان بناسکتی ہے۔موجودہ دور میں ہمیں بہترین ماہر غذائیات ، فٹنس ماہرین ،جمز ،مقامی اور تازہ تیار کی ہوئی غذا کی دروازے تک دستیابی موجود ہے اس کے علاوہ انٹر نیٹ قابل اعتماد طبی رہنمائی اور ریسپیز سے بھرا پڑا ہے۔