لاہور (نیوزڈیسک) دنیا بھر کے افراد اپنی زندگی کا ایک تہائی وقت نیند میں گزارتے ہیں اس لئے ہمیں نیند کے بارے میں مزید پتا ہونا چاہیے۔رنگین ٹیلی وڑن کی ایجاد سے پہلے دنیا بھر میں رہنے والے 75 فیصد افراد کو بلیک اینڈ وائٹ خواب آتے تھے۔ آپ کو خواب میں صرف ان ہی لوگوں کے چہرے نظر آتے ہیں جو آپ اپنی زندگی میں پہلے دیکھ چکے ہوتے ہیں۔ ایک تحقیق کے مطابق بھوک سے اتنی جلدی موت واقع نہیں ہو سکتی جتنی بے خوابی سے ہو سکتی ہے۔ آپ بغیر کچھ کھائے پیے دو ہفتوں تک زندہ رہ سکتے ہیں لیکن اگر 10 دنوں تک سویا نہ جائے تو یہ آپ کی جان بھی لے سکتا ہے۔ بری طریقہ سے سونے سے آپ کا وزن بڑھ سکتا ہے لیکن اچھی طرح سے نیند نہ لینے سے آپ کی بھوک میں 25 فیصد اضافہ ہو سکتا ہے۔ نیند سے جاگنے کے پانچ منٹ کے اندر اندر آپ اپنے خواب کا 50 فیصد حصہ بھول چکے ہوتے ہیں جبکہ صرف 10 منٹ کے بعد آپ کے خواب کا 90 فیصد حصہ آپ کے دماغ سے مکمل طور پر نکل جاتا ہے۔ اولاد کی پیدائش کے پہلے سال والدین کی نیند 400 سے 750 گھنٹے کم ہو جاتی ہے۔ وہ افراد جو رات کے اوقات میں چھ سے سات گھنٹے نیند لیتے ہیں وہ روزانہ 8 گھنٹے سونے والوں سے زیادہ عمر پاتے ہیں۔ گنز ورلڈ ریکارڈ ب±ک کے مطابق دنیا میں سب سے زیادہ دنوں تک نہ سونے کا ریکارڈ رینڈی گارڈنر کے پاس ہے۔ موصوف نے 1965ءمیں مسلسل گیارہ دنوں تک نہ سو کر ریکارڈ قائم کیا تھا۔