اسلام آباد(نیوز ڈیسک )ہم زندگی میں اکثر مختصر مدتی فوائد کی خاطر طویل مدتی فوائد کو نظر انداز کردیتے ہیں۔
سگریٹ نوشی کے حوالے سے فراہم کی جانے والی آگاہی کے باعث متعدد افراد اس سے دور ہورہے ہیں تاہم دیگر کچھ معمولی نظر آنے والی عادات بھی صحت کے لیے نقصان دہ ثابت ہوسکتی ہیں جن کا ذکر ہم یہاں اس آرٹیکل میں کررہے ہیں۔
پچھلی جیب میں والٹ رکھنا
اگر آپ بھاری والٹ کو اپنی پچھلی جیب میں رکھنے کے عادی ہیں تو جان لیں کہ مستقبل میں یہ عادت آپ کی کمر میں شدید تکلیف کا باعث بن سکتی ہے۔ اس کیفیت کو عام زبان میں wallet sciatica کہا جاتا ہے۔خواتین کے مقابلے میں اس بیماری کے مردوں میں ہونے کے امکانات زیادہ ہوتے ہیں جو طویل عرصے تک والٹ کو جیب میں رکھ کر گاڑی چلاتے ہیں جس سے کمر کی نسوں پر زور پڑتا ہے۔
زیادہ عرصے تک اس عمل کو جاری رکھنے سے آپ اس بیماری کا شکار ہوسکتے ہیں جس سے آپ کے پیر کے نچلے حصوں، ٹخنوں اور کمر کے نچلے حصے میں شدید تکلیف ہوسکتی ہے۔
شکر کا زیادہ استعمال
اس بات کو جاننے کے باوجود کے شکر کا زیادہ استعمال صحت کے لیے نقصان دہ ہے، دنیا بھر میں شکر کی کھپت میں اضافہ ہورہا ہے۔
فرانسیسی سائنسدانوں نے کوکین کی عادی چوہوں پر تحقیق کے دوران پایا کہ اس لت کے باوجود چوہوں نے کوکین پر شکر کو فوقیت دی۔
دیگر مطالعات میں یہ بات سامنے آئی ہے کہ شکر کا زیادہ استعمال وزن میں اضافے کا باعث بنتا ہے جسے ہمارا جسم توانائی میں تبدیل نہیں کرپاتا جو مختلف قسم کی بیماریوں کا سبب بن سکتا ہے۔
طویل عرصے تک بیٹھے رہنا
ایک حالیہ مطالعے میں پایا گیا کہ طویل عرصے تک بیٹھے رہنے سے جلد موت کے امکانات بڑھ جاتے ہیں۔ زیادہ بیٹھنے والے افراد کینسر یا دل کے امراض کا شکار ہوسکتے ہیں۔ اس کے علاوہ اگر آپ روزانہ 12