اسلام آباد(نیوز ڈیسک ).اٹک شہر اور گردو نواح میں ڈینگی وائرس شدت اختیار کر گیا۔ جس کے باعث عوام میں خوف ہراس پھیل گیا ہے اور درجنوں افراد اس سے متاثر ہوئے ہیں۔ اٹک شہر اور ملحقہ دیہاتوں میں ڈینگی وائرس میں روز بروز اضافہ ہو رہا ہے۔ اس وقت تقریباَ86 کے قریب افراد اس وائرس کا شکار ہوچکے ہیں، کئی افراد کو ڈسٹرکٹ ہیڈ کوارٹر اسپتال اور کئی افراد کو ضلع بھر کے مختلف اسپتالوں میں داخل کرا دیا گیا ہے۔ ڈاکٹروں نے ڈینگی وائرس کی تصدیق بھی کر دی ہے، ضلعی انتظامیہ نے ڈینگی وائرس کو کنٹرول کرنے کے لیے عملی قدم نہیں ا±ٹھایا، واک اور خبروں کے ذریعے پبلک سٹی کی گئی۔ ضلع بھر میں ڈینگی وائرس کے خاتمے کے لیے اٹک شہر کی مختلف گلیوں میں پانی کھڑا ہے، شکردرہ گاﺅں میں بھی گندے پانی کی نکاسی نہ ہونے کی وجہ سے گٹروں کا گندا پانی کھڑا ہو گیا ہے، جس سے زہریلے مچھر پیدا ہو رہے ہیں۔ اٹک کے عوامی سماجی حلقوں نے وزیر اعلیٰ پنجاب، صوبائی وزیر صحت سے اپیل کی ہے کہ ڈینگی وائرس کے خاتمے کے لیے اسپرے کیے جائیں، تاکہ مزید لوگ اس بیماری سے بچ سکیں اور محفوظ رہ سکیں۔