اسلام آباد(نیوز ڈیسک)مردوں اور خواتین کی جینیاتی تفریق کے باعث دونوں اجناس کی کچھ بیماریاں بھی مختلف ہوتی ہیں اور اپنی مخصوص جنس کے حد تک محدود ہوتی ہیں۔ایک نئی تحقیقاتی رپورٹ میں بتایا گیا ہے کہ ایک خطرناک قسم کا نزلہ جو پھیپھڑوں کی سوزش کی وجہ سے ہوتا ہے وہ صرف مردوں کو لاحق ہوتا ہے۔ اس کے علاوہ نظام تنفس کی دیگر کئی بیماریاں بھی خواتین کی نسبت مردوں کو زیادہ لاحق ہوتی ہیں۔ اس کی وجہ یہ ہے کہ خواتین میں موجوداوسٹروجن نامی ایک ”سیکس ہارمون“انہیں ان بیماریوں کے خلاف قوت مدافعت فراہم کرتا ہے اور وہ ان سے بچ جاتی ہیں۔ دوسری طرف مردوں میں یہ ہارمون نہیں ہوتا اس لیے وہ ان بیماریوں کا آسان چارہ بن جاتے ہیں۔مزید پڑھیں :وزن کم کرناہے تو اس جادوئی قدرتی مشروب کا استعمال آج ہی شروع کردیںہاورڈ یونیورسٹی کے سائنسدانوں نے اپنی اس تحقیق میں دریافت کیا ہے کہ فیمیل سیکس ہارمون ”اوسٹروجن“(Oestrogen) خواتین کے مدافعتی نظام کو مضبوط بناتا ہے لیکن مردوں میں اس ہارمون کی عدم موجودگی کی وجہ سے بیماریاں ان پر آسانی سے حملہ آور ہوتی ہیں۔سائنسدانوں نے اپنے اس مفروضے کے تجربات چوہوں پر کیے۔ انہوں نے اوسٹروجن ہارمون کی ایک خوراک میل اور فیمیل چوہوں کو دی اور دیکھا کہ میل چوہوں میں بھی اس کے نتائج خاطرخواہ تھے اوروہ پھیپھڑوں کی وبائی سوزش سے بچ گئے تھے۔پروفیسر لیسٹر کوبزک کا کہنا تھا کہ یہ خوراک دینے کے بعد فیمیل چوہوں میں انفیکشن کے خلاف زیادہ قوت مدافعت آ گئی تھی کیونکہ ان میں پہلے سے یہ ہارمون موجود تھا۔ پروفیسر لیسٹر نے بتایا کہ” اوسٹروجن کی اضافی خوراک ان چوہوں کو دی گئی جو پہلے سے پھیپھڑے کی وبائی سوزش میں مبتلا تھے۔ چوہوں میں اس کے کامیاب تجربے کے بعد ہم پرامید ہیں کہ اس طریقہ علاج سے مردوں میں بھی سانس کی وبائی بیماریوں کی روک تھام میں مدد ملے گی۔