کراچی(نیوزڈیسک)دنیا بھر میں سا لا نہ ایک کروڑ ستر لاکھ سے زائد افراد مختلف امراض قلب میں مبتلا ہو کر موت کے منہ میں چلے جاتے ہیں۔طبی ماہرین کا کہنا ہے کہ تھوڑی سی احتیاط دل کے کئی امراض سے بچاسکتی ہے۔دل انسانی جسم کا سب سے اہم عضو ہے ،دل کی مختلف بیماریوں کی آگاہی کے سلسلے میں ورلڈ ہارٹ فیڈریشن کی جانب سے دنیابھر میں ہر سال 29 ستمبر کو عالمی یوم قلب منایا جاتا ہے۔ماہرین کے مطابق پاکستان کی آبادی کا 20 فیصد دل کے مختلف امراض میں مبتلا ہے۔کھانے پینے میں بے احتیاطی،تمباکو نوشی کے باعث کم عمر کے افراد بھی دل کےمختلف عارضوں میں مبتلا ہورہے ہیں۔ ڈاکٹروں کا کہنا ہے کہ دل کی بیماریوں کا اعلاج تو ممکن ہے لیکن مہنگا اور آگاہی نہ ہونے کے باعث اکثر لوگ وقت گزر جانے کے بعد اپنے معالج کے پاس جاتے ہیں۔پاکستان سمیت دنیا بھر میں سالانہ ایک کروڑ ستر لاکھ سے زائد افراد دل کے امراض کے باعث جاں بحق ہو جاتے ہیں۔طبی ماہرین کا کہنا ہے کہ دل کے امراض سے بچنے کے لیے جہاں تمباکو نوشی،پان ،چھالیہ کا تدارک ضروری ہے وہیں ورزش اور صحت مند غذا بھی انتہا ئی اہم ہے۔