کراچی(نیوزڈیسک)روزے داروں کیلئے افطارمیں سب سے خطرناک کیا چیز ہے،ماہرین نے آگاہ کردیا،ماہرین طب نے کہا ہے کہ شدید گرم موسم میں افطار کے اوقات میں پکوڑے کھانے سے اجتناب کریں۔بازار میں فروخت ہونے والے پکوڑے شدید ڈائریاکا باعث بن رہے ہیں، جناح اسپتال سمیت مختلف اسپتالوں میں ہیٹ اسٹروک کے ساتھ آنے والے مریضوں کو شدید نوعیت کا ڈائریا کا مرض بھی لاحق ہے۔ جناح اسپتال کے ماہرین نے عوام سے کہا ہے کہ وہ افطار کے وقت پھل اور گھر کی تیار کی جانے والی چاٹ اورگھر کے مشروبات استعمال کریں۔ ٹھیلوں پر فروخت ہونے والی بازار کی چاٹ، بیسن کے پکوڑے اس موسم میں انتہائی مضرصحت ہیں،ان ماہرین کا کہنا تھاکہ سحری میں صرف دہی کا استعمال کریں۔