اسلام آباد(نیوز ڈ یسک) انسانی جسم سے ہوا کا اخراج ایک ایسی چیز ہے جسے کسی بھی معاشرے میں انتہائی ناگواری سے دیکھا جاتا ہے لیکن یہ ہے کہ اس پر کسی کا بھی کنٹرول نہیں۔ اکثر یہی سمجھا جاتا ہے کہ یہ عادت شاید مردوں میں ہی پائی جاتی ہے۔ تاہم تحقیق نے ثابت کیا ہے کہ یہ بات درست نہیں۔ سائنسدانوں کا کہنا ہے کہ ایک انسان دن میں اوسطاً 10 دفعہ ہوا خارج کرتا ہے جو کہ قریباً ایک لیٹر بنتی ہے۔ تاہم اتنا ہی نہیں تحقیق میں ایک اور نہایت دلچسپ انکشاف یہ کیا گیا ہے کہ جب خواتین ہوا خارج کرتی ہیں تو وہ زیادہ بدبودار ہوتی ہے۔
یہ تحقیق ’منی اپولس ویٹرنز افیئرز سنٹر امریکہ‘ کے ماہرین کی جانب سی کی گئی۔ ان ماہرین کا کہنا ہے وہ کھانے جو انسانی جسم ہضم کرنے میں ناکام رہتا ہے بیکٹیریا سے مل کر گیس کی شکل اختیار کرلیتا ہے۔ بننے والی گیسوں میں ’سلفر سے متعلقہ‘ گیسز بھی
مزید پڑھئے:دہلی میں بھی میگی نوڈلز میں سیسہ
شامل ہوتی ہیں جو کہ بنیادی طور پر بدبو کا باعث بنتی ہیں۔تحقیق کے نتائج میں انکشاف کیا گیا ہے کہ خواتین کے معاملے میں ’سلفر کمپاﺅنڈز‘ کی تعداد مردوں کے مقابلے میں عموماً کافی زیادہ ہوتی ہے۔ چند سال قبل ہونے والی تحقیق میں سائنسی طریقے سے یہ بات ثابت کرنے کے علاوہ چند بدقسمت جج بھی مقرر کئے گئے اور انہوں نے بھی یہی فیصلہ سنایا۔ ماہرین کا کہنا ہے کہ مچھلی، چاول اور ڈیری مصنوعات کا استعمال پیٹ کی گیس کے خاتمے میں معاون ثابت ہوسکتا ہے۔
