اسلام آباد (نیوز ڈیسک ) امریکی تحقیق میں اس بات کا انکشاف ہوا ہے کہ مشروبات میں چینی کی زیادہ مقدار کے باعث دل کی بیماریاں لاحق ہونے کا خطرہ بڑھ جاتا ہے۔ سائنسی جریدے امریکن جرنل آف کلینکل نیوٹریشن میں شائع ہونے والی تحقیق کے مطابق زیادہ زیادہ میٹھے مشروبات کے باعث موٹاپے ، ہائی کولیسٹرول اور ہائی بلڈ پریشر کا خطرہ بڑھ جاتا ہے۔ امریکی ماہرین کے مطابق ایک دن میں خواتین کیلئے 6 چمچ چینی اور مردوں کیلئے 9 چمچ چینی کافی ہے۔ ماہرین کا کہنا ہے کہ چینی والے مشروبات کے صرف 2 ہفتے کے استعمال سے ہی دل کی بیماریاں پیدا ہونے کے خطرات بڑھ جاتے ہیں۔