اسلام آباد (نیوز ڈیسک )برازیل میں ڈینگی کے مچھروں کا مقابلہ کرنے مچھر میدان میں آگئے۔ساﺅپاﺅلو میں جینیاتی تبدیلی والے ایک لاکھ مچھر شہر میں چھوڑ دیےگئے۔برازیل میں ہرسال ڈینگی مچھر سے ہزاروں افراد متاثر ہوتے ہیں۔ اس سال بھی ساﺅپاﺅلو میں ڈینگی کی وبا پھیلی ہوئی ہے جس کی روک تھام کے لیے جینیاتی تبدیلی والے مچھر میدان میں لائے گئے ہیں۔ برازیل میں تازہ اقدام کے تحت جینیاتی طور پر تبدیل شدہ نر مچھر پیدا کیے گئے ہیں جو ان مادہ مچھروں سے ملاپ کریں گے جو ڈینگی کا باعث بنتی ہیں۔ ان مچھروں سے پیدا ہونے والے بچے بالغ ہونے سے پہلے ہی موت کا شکار ہوجائیں گے جس سے رفتہ رفتہ ڈینگی مچھروں کی نسل کا خاتمہ ممکن ہوسکے گا۔