اسلام آباد: وفاقی وزیر خزانہ اسحاق ڈار نے عمران خان کی جانب سے منی لانڈرنگ کے الزامات مسترد کرتے ہوئے جوابی خط ارسال کیا ہے۔اسحاق ڈار نے خط میں الزامات کو گمراہ کن قرار دیا ہے۔
تحریک انصاف کی چیئرمین عمران خان کی جانب سے منی لانڈرنگ کے الزامات کے بعد وزیرخزانہ بھی میدان میں آگئے ہیں۔اْنہوں نے عمران خان پر واضح کیا کہ پاکستان سے دبئی اپنے بیٹے کو ایک روپیہ بھی نہیں بھیجا بلکہ ان کے بیٹوں نے انہیں دبئی سے 40لاکھ ڈالر بھجوائے تھے اور یہ رقم انہوں نے بیٹوں کو بطور قرض دی تھی۔خط میں کہا گیا ہے کہ ٹیکس بچانے کے لیے سوئس حکام سے کسی معاہدے کا الزام عمران خان کی ذہنی اختراع سے زیادہ کچھ نہیں۔دوسری طرف عمران خان کے ترجمان عمر چیمہ کا کہنا ہے کہ اسحاق ڈار کی جانب سے تاحال کوئی خط موصول نہیں ہوا ہے۔عمر چیمہ کے مطابق خط ملے گا تو بھرپور جواب دیا جائے گا