لاہور….. پاکستان کرکٹ بورڈ نے ویمن کرکٹرز کے لئے سینٹرل کنٹریکٹ کا اعلان کردیا جس کے تحت کھلاڑیوں کو 4 کیٹیگریز میں تقسیم کرکے کنٹریکٹ دیا گیا ہے۔

کرکٹ بورڈ کی جانب سے جاری اعلامیے کے مطابق 21 ویمن کرکٹرز کو کنٹریکٹ دینے کے لئے اے، بی، سی اور ڈی کیٹیگری میں تقسیم کیا گیا ہے، ’’اے‘‘ کیٹیگری میں ثنا میر، بسمہ معروف، جویریہ ودود اور اسماویہ اقبال شامل ہیں۔ ندا راشد، سعدیہ یوسف، سمیعہ صدیقی، مرینہ اقبال، نین عابدی اور ثانیہ اقبال کو ’’بی‘‘ کیٹیگری میں رکھا گیا ہے۔

سینٹرل کنٹریکٹ کے تحت ’’سی‘‘ کیٹیگری میں کائنات امتیاز، سدرہ نواز، ربیعہ شاہ، انعم امین، نائلہ نذیر، سدرہ امین اور ناہیدہ خان شامل ہیں جب کہ ’’ڈی‘‘ کیٹیگری میں فریحہ محمود، ماہم طارق، عالیہ ریاض اور ارم جاوید کو شامل کیا گیا ہے۔