اسلام آباد………قائد حز ب اختلاف خورشید شاہ نے کہا ہے کہ حکومت جب تک جی ایس ٹی میں اضافہ واپس نہیں لے گی اس وقت تک ایوان میں واپس نہیں جائیں گے۔سپیکر ایاز صادق کی زیرصدارت قومی اسمبلی کا اجلاس جاری تھا کہ پیپلزپارٹی نے حکومت کی جانب سے اعتماد میں لیے بغیر پٹرولیم مصنوعات پر اضافی ٹیکس لگانے پر واک آوٹ کیا۔اسمبلی ہاﺅس کے باہر میڈیا سے گفتگو کرتے ہوئے خورشید شا ہ نے کہا کہ پارلیمنٹ کے ہوتے ہوئے نئے ٹیکس لگانے کے آرڈر پاس کیے جارہے ہیں اور اگر اسی طر ح منی بجٹ با ر بار بنتے رہے تو بجٹ کی اہمیت ختم ہو جائے گی۔انہوں نے کہاکہ وزیراعظم نوازشریف سے گزارش ہے کہ وہ پارلیمنٹ کی حیثیت کو بحال کریں اور اضافی جی ایس ٹی لگانے کافیصلہ واپس لیں ۔ان کا کہناتھاکہ جب تک اضافی ٹیکس کا فیصلہ واپس نہیں لیا جائے گاپیپلز پارٹی ایوان میں واپس نہیں جائے اور روزانہ کی بنیا د پر اپنا احتجاج ریکارڈ کرواتی رہے گی۔