کوئٹہ: بلوچستان کے علاقے پشین میں گھر کے کمرے میں گیس بھر جانے سے 11 افراد ہلاک ہو گئے۔
ہلاکتوں کا واقعہ پشین میں کلی کربلا میں پیش آیا ہے۔
ذرائع کے مطابق ہلاک ہونے والے افراد کا تعلق ایک ہی خاندان سے ہے
دم گھُٹنے سے مرنے والوں میں 8 بچے بھی شامل ہیں جبکہ دیگر مرنے والے خواتین اور مرد ہیں۔
واضح رہے کہ بلوچستان ملک کے سرد ترین علاقوں میں سے ہے جن میں پشین بھی شامل ہے، جہاں اکثر افراد گھروں کو گرم رکھنے کے لیے کوئلے اور گیس کے ہیٹر استعمال کیے جاتے ہیں۔
پشین میں گھر کے کمرے میں گیس بھرنے سے ہلاکتیں ہوئیں، گھر کو گرم رکھنے کے لیے ہیٹر جلایا گیا تھا جس سے سانحہ پیش آیا۔
حکام نے ہلاکتوں کی تصدیق کر دی ہے