لاہور۔۔۔۔ پیٹرولیم مصنوعات کی قیمتوں میں کمی کے بعد صوبائی حکومت نے ٹرانسپورٹ کرایوں میں 7 فیصد تک کمی کا اعلان کردیا ہے۔ پنجاب حکومت نے پیٹرولیم مصنوعات کی قیمتوں میں کمی کا براہ راست فائدہ عوام کو منتقل کرنے کے لئے پبلک ٹرانسپورٹ کرایوں میں 7 فیصد تک کمی کا اعلان کرتے ہوئے اس کا نوٹیفکیشن جاری کردیا جس کے بعد لاہور میں بسوں کے فی اسٹاپ کرایوں میں ایک سے 3 روپے تک کمی کی گئی ہے۔واضح رہے کہ گزشتہ روز وفاقی حکومت نے پیٹرولیم مصنوعات کی قیمتوں میں 14 روپے سے زائد کی کمی کا اعلان کیا تھا جب کہ پیٹرولیم مصنوعات کی قیمتوں میں مسلسل 3 مرتبہ کمی کے بعد ٹرانسپورٹ کرایوں میں بھی 25 فیصد تک کمی کی گئی ہے۔