جکارتہ۔۔۔۔انڈونیشا میں باوقار مسلم خواتین کے درمیان مقابلہ ہوا، تیونس کی کمپیوٹر سائنٹسٹ فاطمہ فاتح ٹھہری ، قیمتی انعامات کے ساتھ حج کا ٹکٹ بھی دیا گیا۔ اٹھارہ مسلم ممالک کی پچیس خواتین نے مس ورلڈ مسلمہ مقابلے میں شرکت کی۔ سر پر حجاب اور پاؤں تک لباس سے ڈھکی ،باوقار خواتین نے اسلامی تہذیب کو اجاگر کیا۔ شرکاء4 سے اسلام اور جدید دنیا کے بارے میں سوال بھی کیے گئے۔ تیونس کی کمپیوٹرسائنٹسٹ پچیس سالہ فاطمہ نے مقابلے کی فاتح کا تاج اپنے سر سجایا۔ اس موقع پر فاطمہ نے فلسطینی اور شامی شہریوں کو بھی یاد کیا۔ مِس ورلڈ مسلمہ منتخب ہونے پر انہیں قیمتی انعامات کے ساتھ حج کا ٹکٹ بھی دیا گیا۔