پشاور۔۔۔۔کوہاٹ سے شبقدر آنے والی دو ایف سی کی گاڑیوں کو پیش آنے والے حادثے کے نتیجے میں 2 اہلکار جاں بحق اور 40 سے زائد زخمی ہوگئے۔ مطابق محرم الحرام کے دوران کوہاٹ میں سیکیورٹی کے لئے تعینات ایف سی اہلکار شبقدر ہیڈکوارٹر واپس آرہے تھے کہ نگلی چیک پوسٹ کے قریب ان کی دونوں گاڑیاں مخالف سمت سے ؤنے والی بس سے ٹکرا گئیں جس کے نتیجے میں 2 اہلکار موقع پر ہی دم توڑ گئے جبکہ 45 زخمی ہوگئے۔ حادثے کے بعد موقع پر موجود افراد اور امدادی ٹیموں نے زخمیوں کو پشاور کے لیڈی ریڈنگ اسپتال منتقل کردیا۔دوسری جانب زخمیوں کے اسپتال پہنچنے پر وہاں ایمرجنسی نافذ کرتے ہوئے ہنگامی بنیاد پر طبی امداد شروع کردی گئی جبکہ ایمرجنسی روم زخمیوں سے بھر گیا، اسپتال ذرائع کے مطابق زخمیوں میں 2 اہلکاروں کی حالت تشویشناک ہے جبکہ بیشترکو معمولی چوٹیں آئی ہیں۔