وزیراعظم نواز شریف کی زیر صدارت انسداد پولیو کی اسٹیئرنگ کمیٹی کا اجلاس جاری ہے جس میں چاروں صوبوں کے وزرااعلی، وفاقی وزرا سمیت عالمی اداروں کے حکام بھی شریک ہیں جبکہ وزیراعظم کا کہنا ہے کہ پاکستان کا ہر بچہ عزیز اور کسی کو معزور نہیں دیکھ سکتا۔ وزیراعظم ہاؤس میں اجلاس کے دوران وزیراعظم کا کہنا تھا کہ دوسرے ملکوں کی نسبت پاکستان میں پولیو مہم میں مشکلات ہیں جس کا خاتمہ قومی ذمہ داری ہے اور اس کے لئے تمام اقدامات کریں گے،پاکستان کا ہربچہ عزیز ہے اور کسی کو معذور نہیں دیکھ سکتا۔ انہوں نے کہا کہ پولیو کے خاتمے میں غفلت کو جرم سمجھتا ہوں اس لئے صوبے پولیو کے خاتمے کے لئے موثر اقدامات کریں اور ہم نے پولیو کے خلاف لڑائی ہر حال میں جیتنی ہے جبکہ پاکستان ایک ذمہ دار ملک ہے اس لئے اس مہم کی خود نگرانی کر رہا ہوں۔پولیو اسٹیئرنگ کمیٹی کے اجلاس کے دوران وزیراعلی پنجاب شہباز شریف، وزیراعلی سندھ قائم علی شاہ، وزیراعلی بلوچستان ڈاکٹرعبدالمالک بلوچ اور وزیراعلی خیبرپختونخوا پرویز خٹک شریک ہیں جبکہ اجلاس میں عالمی اداروں اور تنظیموں کے حکام بھی شریک ہیں جو ملک سے پولیو کے مکمل خاتمے کے حوالے سے انسداد پولیو کی اسٹیرئنگ کمیٹی کو بریفنگ دے رہے ہیں

موضوعات:children javed chaudary Javed choudary Nawaz Sharif Pakistan Polio polio virus prime minister زیرو پوائنٹ کل تک