کراچی: پیپلز پارٹی کے مرکزی رہنما اور قومی اسمبلی میں قائد حزب اختلاف سید خورشید شاہ نے کہا کہ سیاست میں ایک دوسرے کو روکا نہیں جاتا۔ ہم نے ملتان کے ضمنی الیکشن میں محترمہ بے نظیر بھٹو شہید کے فیصلہ کے مطابق حصہ لیا۔ یہاں میڈیا سے گفتگو کرتے ہوئے سید خورشید شاہ نے کہا کہ 18اکتوبر کا ہمارا جلسہ کسی کے حق یا مخالفت میں نہیں۔ ہم شہیدوں کی یاد میں جلسہ کر رہے ہیں۔ انہوں نے کہا لفظ مہاجر نہ بولا جائے یہ گالی ہے۔ان کا کہنا تھا کہ عمران خان معصوم ہیں وہ ابھی نئے نئے سیاست میں آئے ہیں۔ ہم نے ان کو قانونی نوٹس بھجویا ہے اور 14دن کا وقت دیا ہے ۔ انہوں نے کہا کہ ہمارے بلاول بھٹو زردری کی حفاظت اللہ کرے گا۔ خورشید شاہ نے کہا جلسے جمہوریت کی خوبصورتی ہوتے ہیں۔