ممبئی (این این آئی)بھارتی اداکارہ عالیہ بھٹ کیساتھ مداح نے زبردستی تصویر بنوانے کی کوشش کی تاہم انہوں نے اس بیجاضد کو تحمل اور نرمی سے سنبھال لیا۔بھارتی میڈیا رپورٹ کے مطابق ممبئی میں اداکارہ کاجول اور رانی مکھرجی کے خاندان نے مذہبی تقریب کا انعقاد کیا۔32سالہ عالیہ بھٹ تقریب میں شرکت کیلیے پہنچی، تو اس دوران مداح نے ان کا بازو پکڑ لیا اورتصویر کھنچوانے کیلیے اصرار کرنے لگا۔

یکدم پیش آنے والے واقعے کی وجہ سے تھوڑی سی بدنظمی پیدا ہوئی لیکن اداکارہ نے صبر اور تحمل سے صورتحال کو سنبھال لیا۔عالیہ بھٹ نے سیکیورٹی کے لیے موجود اہلکاروں کو روک دیا اور کہا کہ زیادہ ہنگامہ نہ کریں، اس کے بعد مداح کے ساتھ تصویر بنوائی اور پھر آگے بڑھ گئیں۔تقریب کے دوران عالیہ بھٹ نے رانی مکھرجی، ایان مکھرجی اور تنیشا کے ساتھ بات چیت کی اور تصاویر کھنچوائیں۔بھارتی اداکارہ فلم جگرا کے بعد اگلی ایکشن تھرلر فلم الفا کے لیے محنت کر رہی ہیں، جس میں شرواری اور بوبی دیول ساتھی اداکار ہیں۔