اسلام آبا د (نیوز ڈیسک) پاکستانی فلم انڈسٹری کی معروف اداکارہ صائمہ نور ایک مرتبہ پھر سوشل میڈیا پر موضوعِ بحث بن گئی ہیں۔ اس بار وجہ ان کی ایک ڈانس ویڈیو ہے جو تیزی سے وائرل ہورہی ہے۔
یہ ویڈیو انسٹاگرام کے مختلف اکاؤنٹس پر گردش کر رہی ہے، جس میں صائمہ کو نیلے رنگ کے ٹراوزر اور ہلکی سبز ٹی شرٹ میں رقص کرتے دیکھا جا سکتا ہے۔ ویڈیو کے پس منظر سے اندازہ ہوتا ہے کہ یہ مناظر کسی فلم کی شوٹنگ کے دوران قید کیے گئے ہیں، تاہم یہ واضح نہیں کہ وہ کس فلم کا حصہ ہیں۔دلچسپ بات یہ ہے کہ ویڈیو میں استعمال ہونے والے ہیش ٹیگز میں ’عشقِ لاہور‘ بھی شامل ہے، جس سے قیاس لگایا جا رہا ہے کہ صائمہ نور کا نیا پراجیکٹ جلد منظرِ عام پر آنے والا ہے۔ البتہ اب تک نہ اداکارہ اور نہ ہی پروڈکشن ٹیم نے اس بارے میں کوئی باضابطہ اعلان کیا ہے۔
View this post on Instagram
