ممبئی (این این آئی)بالی ووڈ اداکار فیصل خان نے عامر خان پر مزید الزامات لگائے، جس کے بعد دونوں میں اختلافات مزید بڑھ گئے ہیں۔ممبئی میں پیر کو فیصل خان نے اپنے وکیل کی موجودگی میں پریس کانفرنس کی اور دعوی کیا کہ عامر خان نے رینا دتہ سے شادی کے دوران افیئر کیا، ان کا خاتون سے بچہ بھی ہے۔اس موقع پر اداکار فیصل خان نے عامر خان اور باقی خاندان سے تعلقات توڑنے پر بات کی اور ساتھ ہی عامر خان پر پہلی بیوی کی موجودگی میں خاتون صحافی سے تعلق اور اس سے ایک بچہ ہونے کا الزام بھی لگایا۔بالی ووڈ اداکار نے مزید کہا کہ رینا دتہ کو طلاق دینے کے دوران عامر خان جیسیکا ہائنس سے رشتہ تھا، جس سے ان کا بچہ بھی ہے، یہی وہ وقت ہے، جب میرا بھائی کرن راو کے ساتھ بھی رہ رہا تھا۔
فیصل خان نے یہ بھی کہا کہ مجھ پر شادی کیلیے خاندان والوں کا دباو تھا، جس پر میں شادی نہ کرنے پر ایک خط بھی لکھا، میرے خاندان کے کئی لوگوں کی شادیاں کامیاب نہیں رہیں، اس لیے وہ مجھے شادی کا مشورہ دینے کے اہل نہیں۔اداکار نے خاندان سے تعلق ختم کا اعلان پہلی بار سوشل میڈیا پوسٹ میں کیا تھا جس میں لکھا گیا کہ بھاری دل مگر نئے حوصلے کے ساتھ یہ بتانا چاہتا ہوں کہ میں نے خاندان سے تمام رشتے توڑ دیے ہیں، یہ اقدام مشکل تھا مگر میری صحت و ترقی کیلیے ضروری تھا۔فیصل خان نے کہا کہ زندگی اب نئے باب میں داخل ہورہی ہے، جس میں آزادی، وقار اور خود کو پہچانے کا موقع ہوگا، جسے میں مثبت سوچ، سچائی اور حوصلے سے قبول کرتا ہوں۔انہوں نے اس دوران ایک بار پھر عامر خان پر انہیں ہاوس اریسٹ کرنے، ذہنی صحت کے نام پر نشہ آور ادویات دینے کا بیان دہرایا۔اس معاملے پر عامر خان کی فیملی نے بیان جاری کیا، جس پر خاندان کے کئی افراد کے دستخط موجود ہیں، جس میں فیصل خان کی باتوں کو تکلیف دہ اور گمراہ کن قرار دیا گیا ہے۔
