ممبئی (این این آئی)بھارتی اداکار و گلوکار دلجیت دوسانجھ نے بائیکاٹ مہم اور بالی ووڈ سے بلیک لسٹ ہونے کے خدشات پر خاموشی توڑتے ہوئے بالی ووڈ انڈسٹری کو آڑے ہاتھوں لے لیا۔سوشل میڈیا پر وائرل ویڈیو میں پنجابی گلوکار نے کہا کہ مجھے بالی ووڈ میں کام کرنے کی کوئی خواہش بھی نہیں، میں نہیں چاہتا کہ میں بالی ووڈ میں کوئی بڑا فنکار بن جائوں، مجھے موسیقی سے پیار ہے اور میں بغیر کسی کی مرضی سے میوزک کر سکتا ہوں۔
انہوں نے کہا کہ میں کسی سپر اسٹار کی مرضی کے بغیر بھی کام کرسکتا ہوں، کس کا گانا چلے گا یا کس کا نہیں، کس کو کام دینا ہے یا کس کو نہیں یہ مجھ پر نہیں چل سکتا، پنجاب میں آرٹسٹ اپنا گانا خود بناتے ہیں، ہمیں یہ بہت بڑی آزادی حاصل ہے کہ وہاں کوئی ہمیں میوزک بنانے سے روک نہیں سکتا، جب تک میرا من ہوگا اور خدا چاہیے گا میں گانے بناتا رہوں گا۔ انہوں نے کہا کہ بالی ووڈ میں مجھے کام ملے یا نہ ملے رتی برابر پرواہ نہیں ہے۔
