اسلام آباد (نیوز ڈیسک)وفاقی دارالحکومت اسلام آباد میں ٹک ٹاک پر متحرک نوجوان لڑکی ثنا یوسف کو ان کے گھر میں فائرنگ کر کے قتل کر دیا گیا۔ اطلاعات کے مطابق، واقعہ اس وقت پیش آیا جب گھر میں مہمان موجود تھے۔ حملہ آور نے موقع کا فائدہ اٹھاتے ہوئے اندر داخل ہو کر اندھا دھند گولیاں چلائیں، جس سے ثنا کو دو گولیاں لگیں۔

زخمی حالت میں پہلے انہیں قریب ہی واقع کے آر ایل ہسپتال منتقل کیا گیا، تاہم حالت تشویشناک ہونے پر شفا انٹرنیشنل ہسپتال لے جایا گیا، جہاں وہ جانبر نہ ہو سکیں اور دم توڑ گئیں۔واقعے سے چند لمحے قبل، ثنا یوسف نے ٹک ٹاک پر اپنی سالگرہ کی ایک ویڈیو اپ لوڈ کی تھی، جس میں انہیں اپنی سہیلیوں کے ہمراہ کیک کاٹتے اور خوشی مناتے ہوئے دیکھا جا سکتا ہے۔ سوشل میڈیا پر صارفین کا دعویٰ ہے کہ یہ ان کی 17 ویں سالگرہ تھی، تاہم اس حوالے سے کوئی سرکاری تصدیق سامنے نہیں آئی۔پولیس نے واقعے کی تحقیقات شروع کر دی ہیں جبکہ قاتل کی تلاش جاری ہے۔ ثنا کے قتل نے سوشل میڈیا پر صارفین کو افسردہ کر دیا ہے اور انصاف کی اپیلیں کی جا رہی ہیں۔

@sanayousaf11 For u#pashtosong #gilgitbaltistan #foryou #foryoupage #pashtosong #foryoupage #foryou #foryoupage #foryou #foryou ♬ original sound – Sana