لاہور( این این آئی)اسٹیج اداکارائیں اب حکومت کی جانب سے منظور شدہ ملبوسات زیب تن کریں گی۔ ذرائع کے مطابق وزارت اطلاعات و ثقافت پنجاب نے نئے ضابطے پر کام کا آغاز کر دیا ہے۔تھیٹر ڈرامے میں ملبوسات کیسے ہوں گے وہ بھی حکومت منظور کرے گی اور نئے ڈرامہ ایکٹ میں اداکاراں کے ملبوسات کی منظوری مانیٹرنگ ٹیم سے لی جائے گی۔
ذرائع کے مطابق اداکاراں کے ملبوسات بھی ڈرامہ ایکٹ کی خلاف ورزی میں شامل ہوں گی ،کئی اداکارائیں ملبوسات ہی ایسی تیار کرواتی ہیں جو ڈراما ایکٹ کے خلاف ہوتے ہیں۔ ذرائع کے مطابق ڈراما ایکٹ اسی ہفتے اسمبلی سے پاس ہو جائے گا۔
