ممبئی (این این آئی)جنوبی ہندوستانی سینماء کے سپر سٹار الو ارجن نے ہدایتکار ایٹلی کی نئی ایکشن فلم سے بالی ووڈ سٹار سلمان خان کو آئوٹ کر کے اپنی جگہ بنا لی۔میڈیا رپورٹس کے مطابق بلاک بسٹر فلم پشپا 2 کے کامیاب اداکار الو ارجن نے ایٹلی کی بڑے بجٹ سے بننے والی ایکشن فلم میں مرکزی کردار کیلئے ہامی بھی بھر لی ہے۔پیپنگ مون کے مطابق ایٹلی کو سلمان خان کے ساتھ کچھ مشکلات پیش آ رہی تھیں جس کے بعد انہوں نے الو ارجن سے رابطہ کیا۔
میڈیا رپورٹس کے مطابق فلم کے معاہدے کے قانونی معاملات ابھی مکمل نہیں ہوئے ہیں لیکن الو ارجن نے زبانی طور پر اس فلم کیلئے ہاں کہہ دی ہے۔ایٹلی کی ہدایت کاری میں بننے والی نئی فلم کی شوٹنگ کا آغاز اپریل یا مئی میں متوقع ہے۔فلم کی کہانی کے مطابق یہ ایکشن ڈرامہ دو ہیروز پر مبنی ہو گا۔دوسری جانب الو ارجن کے ساتھ فلم میں دیگر فنکاروں اور خاتون کے مرکزی کردار کا اعلان تاحال نہیں ہوا ہے۔رپورٹس میں دعوی کیا جا رہا ہے کہ جھانوی کپور اس فلم کی ہیروئن کیلئے سب سے مضبوط امیدوار ہیں۔
