کراچی (این این آئی)سابق نیوز اینکر فرح اقرار نے دعوی کیا ہے کہ جن مردوں کی ایک ہی بیوی ہوتی ہے، ان کے افیئرز چل رہے ہوتے ہیں اور ان کی بیویاں بھی انہیں ایسا کرنے کی اجازت دے دیتی ہیں۔فرح اقرار نے حال ہی میں رابی پیرزادہ کے پوڈکاسٹ میں شرکت کی جہاں انہوں نے شوہر کی ایک سے زائد شادیوں سمیت مردوں کی زائد شادیوں پر کھل کر بات کی۔فرح اقرار نے کہا مجھے نہیں لگتا میرے شوہر کی دونوں بیویاں ان کیخلاف ہوگئی ہیں، میں ایسی غلط اور منفی سوچ ہی نہیں رکھتی۔
انہوں نے بتایا کہ آج کل میرے شوہر اپنی دونوں بیویوں اور بیٹے کے ہمراہ بیرون ملک دورے پر ہیں لیکن مجھے اس سے کوئی مسئلہ نہیں۔انہوں نے کہا کہ میں پہلے بھی کہتی رہی ہوں کہ مجھے شوہر کی شادیوں سے کوئی مسئلہ نہیں، جب خدا نے مرد کو ایک سے زائد شادیوں کی اجازت دی ہے تو میں انہیں روکنے والی کون ہوتی ہیں؟ ، اگر وہ چوتھی شادی بھی کرنا چاہیں تو مجھے کوئی مسئلہ نہیں ہوگا۔
انہوں نے کہا کہ جن مردوں کی ایک ہی بیوی ہوتی ہے، ان کے غیر ازدواجی تعلقات چل رہے ہوتے ہیں اور انہیں اپنی بیویاں ہی افیئرز کی اجازت دیتی ہیں۔انہوں نے کہا کہ ممکن ہے کہ میری بات بہت سارے افراد کو بری لگے لیکن سچ یہی ہے کہ جن کی ایک ہی بیوی ہوتی ہے، ان کے افیئرز چل رہے ہوتے ہیں۔انہوں نے کہا کہ بیویاں ہی اپنے شوہروں کو کہتی ہیں کہ گرل فرینڈ رکھ لو، افیئرز کرلو لیکن گھر میں دوسری بیوی نہیں لانا۔
