کراچی (این این آئی)پاکستانی مزاحیہ گلوکار و یوٹیوبر چاہت فتح علی خان کو اداکارہ و ماڈل متھیرا کیساتھ نامناسب انداز میں تصاویر بنوانے پر تنقید کا سامنا کرنا پڑ رہا ہے۔حال ہی میں چاہت فتح علی خان نے میزبان متھیرا کے ٹی وی پروگرام میں بطور مہمان شرکت کی۔پروگرام کے پس پردہ مناظر کی ایک ویڈیو سوشل میڈیا پر گردش کر رہی ہے۔
سوشل میڈیا پر وائرل ویڈیو میں دیکھا جا سکتا ہے کہ اس موقع پر مزاحیہ گلوکار نے میزبان کے ساتھ کچھ تصاویر بنوائیں۔ویڈیو میں چاہت فتح علی کو تصاویر بنواتے ہوئے زبردستی متھیرا سے مصافحہ کرتے اور ان کی کمر پر ہاتھ رکھتے ہوئے دیکھا جا سکتا ہے، جس کے سبب سوشل میڈیا صارفین شوقین گلوکار کو تنقید کا نشانہ بنا رہے ہیں۔سوشل میڈیا ٹرولرز وائرل تصاویر کے کمنٹس میں تبصرہ کرتے ہوئے کہہ رہے ہیں کہ متھیرا پہلی بار کسی سے گھبرا رہی ہیں۔ایک صارف نے لکھا ہے کہ اسے ہراساں کرنا کہتے ہیں،ایک اور صارف نے لکھا ہے کہ گلے لگنے کی ناکام کوششیں۔
