ممبئی (این این آئی)سیف علی خان کے گھر پر ہونیوالے حملے اور چوری کی کوشش بارے جاری تحقیقات میں اہم پیشرفت سامنے آئی ہے۔ بھارتی میڈیا کے مطابق پولیس کو شبہ ہے کہ حملہ آور جس نے سیف علی خان کے اپارٹمنٹ میں زبردستی داخل ہوکر اور انہیں زخمی کیا، ممکنہ طور پر شاہ رخ خان کی رہائشگاہ منت میں بھی چوری کی کوشش کر چکا ہے۔ میڈیا رپورٹس کے مطابق چور شاہ رخ خان کے گھر میں داخل ہونے میں ناکام رہا کیونکہ وہاں سخت سیکیورٹی موجود تھی۔ سیف علی خان پر حملے کے بعد پولیس نے شاہ رخ خان کے بنگلے کا دورہ بھی کیا تاکہ اس معاملے کی مزید تحقیقات کی جا سکے۔

بتایا جارہا ہے کہ 14جنوری کو منت کے قریب مشکوک حرکات دیکھی گئیں تھیں، ایک شخص کو شاہ رخ خان کے گھر کے عقب میں واقع ریسٹ ہائوس کے قریب 6سے 8فٹ لمبی لوہے کی سیڑھی کے ذریعے احاطے کا جائزہ لیتے ہوئے دیکھا گیا تھا۔ پولیس کے مطابق یہ وہی شخص ہو سکتا ہے جس نے سیف علی خان کے گھر پر حملہ کیا تھا، معاملے کی مزید تحقیقات جاری ہیں۔