ممبئی (این این آئی)بھارتی اداکارہ شویتا تیواری نے کہا ہے کہ یہ افواہیں سننے کو ملتی ہیں میری بیٹی ہر تیسرے آدمی کو ڈیٹ کررہی ہے ایک انٹرویو میں بیٹی پلک تیواری اور سیف علی خان کے بیٹے ابراہیم علی خان کے افیئر پر گفتگو کرتے ہوئے شویتا نے کہا کہ یہ افواہیں سننے کو ملتی ہیں کہ میری بیٹی ہر تیسرے آدمی کو ڈیٹ کررہی ہے اور میں ہر سال شادی کررہی ہوں۔شویتا نے کہا کہ افواہیں اب مجھے پریشان نہیں کرتیں، ان تمام برسوں میں، میں نے محسوس کیا ہے کہ لوگوں کی یادداشت صرف چار گھنٹے تک رہتی ہے، اس کے بعد وہ خبر بھول جاتے ہیں۔ تو پھر پریشان کیوں ہوا جائے؟۔
شویتا نے کہا کہ افواہوں کے مطابق تو میں پہلے ہی تین بار شادی کرچکی ہوں،یہ باتیں تب اثر کرتی تھیں جب سوشل میڈیا نہیں تھا اور کچھ صحافی آپ کے بارے میں اچھی باتیں لکھنا پسند نہیں کرتے تھے، کیونکہ اداکارہ کے بارے میں منفی خبریں ہی بکتی ہیں۔ اس دور سے نمٹنے کے بعد ان باتوں کا اب مجھ پر اثر نہیں ہوتا۔شویتا نے سوشل میڈیا پر ٹرولنگ کے حوالے سے کہا کہ میرے دور میں سوشل میڈیا اتنا نہیں تھا، اس لیے میں نہیں جانتی تھی کہ ٹرولنگ سے کیسے نمٹنا ہے، لیکن میری بیٹی نے سب سے پہلے یہ سیکھا کہ ٹرولنگ سے کیسے نمٹا جائے۔ میں نے پلک کو انھیں ہینڈل کرتے ہوئے دیکھا اور میں نے اس سے سیکھا ہے۔
