کراچی (این این آئی)حرا مانی کے بولڈ ڈانس پر سوشل میڈیا صارفین کی تنقیدکی زد میں آگئیں۔ سوشل میڈیا پر اداکارہ حرا مانی کی ویڈیو وائرل ہو رہی ہے جس میں انہیں اپنے چھوٹے بھائی کی ڈھولکی کی تقریب میں شوہر اداکار مانی اور خاندان کے دیگر افراد کے ساتھ ڈانس کرتے ہوئے دیکھا جا سکتا ہے۔

اداکارہ مداحوں کو اپنے اسٹائل اور ڈانس سے زیادہ متاثر نہیں کر سکیں اور شدید تنقید کی زد میں آ گئیں۔سوشل میڈیا صارفین نے کہا کہ بولڈ لباس پہن کر شادیوں کی تقریبات میں اس طرح ڈانس کر کے جس طرح کی تہذیب کو پروان چڑھایا جا رہا یہ انتہائی تشویش ناک ہے۔صارفین نے بھائی کی ڈھولکی کی تقریب سے وائرل ہونے والی ان ویڈیوز میں حرا مانی کے ہمراہ ڈانس کرتے ان کے شوہر اداکار مانی اور خاندان کے دیگر افراد پر بھی تنقید کی ہے۔