لاہور ( این این آئی) دنیائے موسیقی کے بے تاج بادشاہ استاد نصرت فتح علی خان کے انتقال کے17برس بعد ان کی آواز میں ریکارڈ کی گئی آخری البم چین آف لائٹ ریلیز کر دی گئی۔فوٹو اینڈ ویڈیو شیئرنگ پلیٹ فارم انسٹاگرام پر لیجنڈری پاکستانی قوال استاد نصرت فتح علی خان کے آفیشل اکانٹ سے جاری ہونے والے پیغام کے مطابق 30 برس سے زائد عرصے سے گمشدہ البم چین آف لائٹ ریلیز کی گئی ہے۔
انسٹا اکائونٹ پر ایک مختصر ویڈیو بھی شیئر کی گئی ہے جس میں موسیقار پیٹر گیبریئل نے اس گمشدہ البم کی ریئل ورلڈ اسٹوڈیوز کے آرکائیو سے دوبارہ دریافت کی کہانی بیان کی ہے۔یہ البم ویڈیو شیئرنگ پلیٹ فارم یوٹیوب پر ریئل ورلڈ ریکارڈنگ اسٹوڈیوز کے اکانٹ پر مداحوں کے لیے دستیاب ہے۔یہ البم 1990 میں ریئل ورلڈ اسٹوڈیوز میں ریکارڈ کی گئی تھی، 41منٹ پر مشتمل اس البم میں 4 قوالیاں شامل ہیں، جن میں یا اللہ یا رحمان، آج سکھ متراں دی، یا غوث یا میر اور خبرم رسید امشب شامل ہیں۔
