لاہور ( این این آئی) نامور اداکارہ ثناء نے کہا ہے کہ ہمیں سکرین پر دیکھ کر عام طو رکے ذہن میں یہتصور ہوتا ہے کہ شوبز سے تعلق رکھنے والے لوگ بڑی آسان زندگی بسر کرتے ہیں جبکہ حقیقت اس کے برعکس ہے ،عام لوگوں کی طرح شوبز کے لوگوں کو بھی زندگی میں بڑے مسائل درپیش ہوتے ہیں لیکن وہ ان کا برملا اظہار نہیں کر سکتے ۔ ایک انٹر ویو میں ثناء نے کہا کہ شادی اور بچوں کی پیدائش کے بعد زندگی کے معمولات تبدیل ہو گئے ہیں اورچھوٹی چھوٹی باتوں کا خیال رکھنا پڑتا ہے۔ اداکارہ نے کہا کہ میں نے شوبز اور اپنے گھر میں توازن قائم کر رکھا ہے اور اس کے لئے بڑی منصوبہ بندی کر کے چلتی ہوں ۔ ان امور کو سر انجام دینے کے ساتھ ساتھ میں اپنی فٹنس پر بھی بھرپور توجہ دیتی ہوں ، سب معاملات کو اپنے مقررہ وقت پر کرنا کوئی آسان کام نہیںہے۔