ممبئی (این این آئی)بالی وڈ فلم ’برہماسترا‘ میں عالیہ بھٹ اور رنبیر کپور پہلی مرتبہ پردے پر ایک ساتھ نظر آئیں گے، ایک ساتھ ان کی پہلی فلم کا پہلا گانا ’کیسریا‘ ریلیز کر دیا گیا ہے۔فلم ’برہماسترا‘ کے ہدایتکار ایان مکھرجی کے ہمراہ اپنی آنے والی فلم اور گانے کے
حوالے سے بات کرتے ہوئے دونوں اداکاروں نے ’کیسریا‘ گانے سے جڑے اپنے جذبات کا بھی اظہار کیا۔عالیہ بھٹ نے ’کیسریا‘ کے ساتھ جڑے اپنے جذبات کے اظہار کرتے ہوئے کہا کہ میرے لیے ’کیسریا‘ ایک ایسا احساس ہے جسے کوئی شخص خوشی یا کسی چیز سے اپنے انتہائی لگاؤ کے وقت محسوس کرتا ہے، جب بھی یہ گانا سنتی ہوں تو یہ مجھے اپنے ساتھ بہا کر لے جاتا ہے، مجھے امید ہے کہ اسی طرح یہ گانا شائقین کے دلوں کو بھی چھو لے گا۔رنبیر کپور نے ’کیسریا‘ کی ریلیز کے موقعے پرکہا کہ گانے کے ٹیزر سے ہی اس کی تازگی اور خوشبو لوگوں کے دلوں تک پہنچ چکی ہے، اس گانیکی تخلیق میں کردار ادا کرنے والی پوری ٹیم کا شکریہ ادا کرتا ہوں جنہوں نے ایسا گانا تخلیق کیا۔فلم کے ڈائریکٹر ایان مکھرجی نے کہا کہ پریتم، ارجیت اور امیتابھ بھٹیچاریہ کے ساتھ ’کیسریا‘ پر کام کرنا ایک یادگار تجربہ ہے،پوری دنیا سے پرستاروں نے رنبیر اور عالیہ کی محبت کو اس گانے کے ذریعے سیلیبریٹ کیا ہے۔
