کراچی (این این آئی)پاکستان شوبز انڈسٹری کی معروف اداکارہ و ماڈل منال خان نے اپنے منگیتر، احسن محسن اکرام کو خود کے لیے سکون کا سبب قرار دیا ہے۔سوشل میڈیا سائٹ انسٹاگرام 7.6 ملین فالوورز رکھنے والی اداکارہ منال خان ہر گْزرتے دن کے ساتھ اپنی نت نئی
تصویریں پوسٹ کرکے مداحوں کی تعریفیں سمیٹنے کا کوئی موقع ہاتھ سے نہیں جانے دیتیں۔منال خان اگلے ماہ ستمبر میں احسن محسن اکرام سے شادی کرنے والی ہیں۔خوبرو اور باصلاحیت اداکارہ منال خان کی جانب سے اپنے منگیتر کے ساتھ ایک نئی تصویر شیئر کی ہے جس میں دونوں کو خوشگوار موڈ میں دیکھا جا سکتا ہے ۔احسن محسن اکرام نے بھی منال خان کی جانب سے سوشل میڈیا پر شیئر کی گئی تصویر کو اپنی انسٹا گرام اسٹوری پر شیئر کیا ہے۔منال خان نے اپنی اس پوسٹ کے کیپشن میں احسن محسن اکرام کے لیے لکھا ہے کہ ’میری خوشیوں کا مقام۔منال خان اور احسن محسن اکرام کی اس تصویر کے کمنٹ باکس میں دیکھا جا سکتا ہے کہ اْن کے مداح سمیت اْن کے شوبز انڈسٹری کے ساتھی فنکار بھی اس جوڑی کو ایک ساتھ دیکھ کر خوش ہیں۔اس پوسٹ کے کمنٹ باکس میں متعدد اداکارائوں کی جانب سے منال خان اور احسن محسن اکرام کی جوڑی کی تعریف کرتے ہوئے اِن کی آنے والی زندگی کے لیے دعائوں اور نیک تمنائوں کا اظہار کیا گیا ہے۔
