اسلام آباد(مانیٹرنگ ڈیسک )پاکستانی خوبرو ادکارہ ماہرہ خان کو بھارتی ڈرامہ تھیٹر ڈرامے ’’یار جولاہے‘‘میں کام کی کی خبروں پر شدید تنقید کا نشانہ بنا دیا گیا ۔ حال ہی میں بھارتی میڈیا کی جانب سے انکشاف کیا گیا ہے کہ ماہرہ خان دیگر پاکستانی اداکاروں کے ہمراہ 12 قسطوں پر

مشتمل نامور ادیب اور دانشور گلزار کی نظم سے متاثر ایک ڈرامائی سیریز یار جولاہے میں نظر آئیں گی۔ماہرہ خان اس ڈرامے میں احمد ندیم قاسمی کی کلاسک کہانی ’گڑیا ‘ پڑھیں گی، ڈرامہ 15 مئی 2020 کو ٹاٹا اسکائی تھیٹر پر آن ائیر کیا جائے گا۔ماہرہ خان کی بھارتی ڈرامے میں کام کے حوالے سے مداحوں نے انہیں خوب تنقید کا نشانہ بنا دیا ۔ ایک صارف کرن ہانی لکھا ہے کہ وہ ہمارے ساتھ دشمنوں سے بھی بدتر سلوک کریں اور ہمارے فنکار وہاں جا کر کام کرنے کو ترجیح دیتے ہیں ، شرم آنی چاہیے ۔ مہوش نامی صارف نے لکھا ہے کہ سیدھی بات ہے بھارتی فلم انڈسٹری میں پیسے زیادہ ہے اسی لیے پاکستانی فنکار وہاں کام کرنے کیلئے مرتے ہیں ، سب پیسے کا چکر ہے بابو بھیا ۔ ایک اور صارف کا کہنا تھا کہ ایسے پاکستانی فنکاروں پر پاکستان میں پابندی لگا دینی چاہیے جبکہ وہیں ایک اور صارف نے کہا ہے کہ چلو بھر پانی میں ڈو ب کر مر جائو ۔