اسلام آباد(مانیٹرنگ ڈیسک/آن لائن )سینئر اداکارہ بشریٰ انصاری اور اسماء عباس کی بہن سنبل شاہد گزشتہ روز کرونا وائرس کے باعث خالق حقیقی سے جا ملی تھیں۔ آج بشریٰ انصاری نے اپنی مرحومہ بہن کے لیے سوشل میڈیا پر ایک جذباتی پیغام جاری کیا ہے۔فوٹو اور ویڈیو شیئرنگ ایپلیکیشن (ایپ) انسٹاگرام پر جاری کیے گئے پیغام میں بشریٰ انصاری نے اپنی اور تینوں بہنوں کی

والدہ کے ہمراہ ایک یادگار تصویر شیئر کی۔تصویر کے ساتھ انہوں نے اپنی مرحومہ بہن سنبل شاہد سے مخاطب ہوتے ہوئے لکھا کہ ’ہمیں کیا معلوم تھا کہ جنوری 2021 میں ہم تمہاری آخری سالگرہ منائیں گے۔واضح رہے کہ پاکستان ٹیلی ویژن کی معروف ترین اداکارہ بشریٰ انصاری کی بہن اداکارہ ‘ سنبل شاہد ‘ کورونا کے باعث انتقال کر گئیں ہیں۔تفصیلات کے مطابق بشریٰ انصاری نے اپنی بہن کے انتقال کی تصدیق کرتے ہوئے کہا کہ سنبل شاہد گزشتہ ماہ سے کورونا وائرس کے باعث لاہور کے سی ایم ایچ ہسپتال میں زیر علاج تھیں اور انہیں گزشتہ ماہ 22 اپریل کو وینٹی لیٹر پر منتقل کیا گیا تھا جو کہ آج انتقال کر گئیں ہیں۔ سنبل شاہد نے معروف ترین ڈرامے ” تاکے کی آئی گی بارات ” میں تاکے کی والدہ کا کردار نبھایا تھا اور اپنی اداکاری سے ہر کسی کو اپنی طرف متوجہ کروایا جبکہ اس کے علاوہ ان کے نام کے ساتھ ملکہ عالیہ اور عشقہ وے جیسے مقبول ڈرامے بھی جڑے ہوئے ہیں۔یہاں یہ امر بھی قابل ذکر ہے کہ بشریٰ انصاری کی والدہ بھی کورونا سے متاثر ہیں۔