لاہور( این این آئی)مقامی عدالت نے خواجہ سرائوں کے شادی بارے بیان دینے کے معاملے پر اندراج مقدمہ کی درخواست پر سماعت 26مئی تک ملتوی کرتے ہوئے مفتی عبد القوی کو طلب کر لیا ۔ایڈیشنل سیشن مسعود وڑائچ نے درخواست پر سماعت کی۔ایس پی سٹی نے اندراج مقدمہ کہ درخواست پر جواب جمع کروا دیا۔ایس پی سٹی نے کہا کہ معاملہ حساس نوعیت کا ہے اسے علما ء کے بورڈ کو رائے کے لئے بھیجا جائے گا، ایس پی سٹی ایس پی سٹی نے عدالت سے مہلت طلب کی جس پر عدالت نے سماعت 26 مئی تک ملتوی کرتے
ہوئے مفتی عبد القوی کو طلب کر لیا۔حافظ مشتاق احمد نعیمی ایڈووکیٹ نے مفتی عبدالقوی کے خلاف دائر درخواست میں موقف اختیار کیا ہے کہ مفتی عبد القوی نے ٹی وی پروگرام میں کہا کہ مرد خواجہ سرا ء شادی کر سکتے ہیں، مفتی عبد القوی کا بیان غیر فطری اور خلاف مذہب ہے، مفتی عبد القوی کا بیان بے گناہ اور راہ روی کا راستہ کھولتے کے مترادف ہے۔ شادی عیاشی کیلئے نہیں ہوتی اولاد پیدا کرنے کرنے کیلئے کی جاتی ہے،خواجہ سرا ء میں اولاد پیدا کرنے اور مخلوق خدا میں اضافہ کرنے کی صلاحیت نہیں ہوتی۔
