اسلام آباد (مانیٹرنگ ڈیسک) آئی ایس پی آر کا ملٹری رئیلٹی شو لانے کا فیصلہ، آئی ایس پی آر نے یہ پراجیکٹ ہم ٹی وی کے ساتھ مل کر کرنے کا فیصلہ کیا ہے، سما ٹی وی کی رپورٹ کے مطابق جلد آئی ایس پی آر کے بینر تلے ہم ٹی وی پر ایک ملٹری رئیلٹی شو پیش کیا جائے گا جسے عمر مختار نے تحریر کیا ہے۔ اس رئیلٹی شو میں آٹھ سے زیادہ مقامی ٹیمیں اور چار بین الاقوامی ٹیمیں شامل ہوں گی، اس شو کی 120 کیمروں کے ساتھ

آؤٹ ڈور شوٹنگ پہلے ہی مکمل کرلی گئی ہے اور جلد ہی ان ڈور شوٹنگ کا آغاز بھی کر دیا جائے گا۔ اس شو کی میزبان اداکار فخر عالم کریں گے۔ اس حوالے سے اپنے ٹوئٹ میں فخر عالم نے اس طرف اشارہ کرتے ہوئے کہا کہ اسلام آباد میں ایک خصوصی پراجیکٹ کے حوالے سے میٹنگ ہوئی ہے جس میں فلم بندی کے ایک بڑے سلسلے کو شروع کرنے فیصلہ کیا گیا تاہم آئندہ چند روز دلچسپ اور تھکا دینے والے ہوں گے۔

موضوعات:آئی ایس پی آر