اسلام آباد(مانیٹرنگ ڈیسک)بھارت کی ریاست بہار میں ایک شادی کے دوران اس وقت پریشان کن صورتحال پیدا ہوگئی جب دلہن نے دلہا کی شکل دیکھی تو اس سے شادی کرنے کی بجائے مندر سے راہ فرار اختیار کرلی۔بھارتی میڈیا کے مطابق لڑکی نے دلہا کو اصل زندگی میں نہیں دیکھا تھا بلکہ شادی سے پہلے اسے دلہا کی تصویر واٹس ایپ پر بھیجی گئی تھی۔

لڑکی جب شادی کیلئے مندر میں آئی تو دلہا کی اصل شکل پسند نہیں آئی اور اپنی بڑی بہن دیوانتی دیوی کے ساتھ فرار ہوگئی۔ دلہن کے والد ویریندر چوہدری کے مطابق اس کی بیٹی کو دلہا پسند نہیں آیا۔دوسری جانب دلہا اتل کمار چوہدری کے والد نتھو چوہدری نے الزام عائد کیا ہے کہ بارات آنے پر دلہن کی بڑی بہن دلہن کو لے کر فرار ہوئی۔ دلہن کے بھاگ جانے پر دونوں خاندانوں میں تنازعہ پیدا ہوگیا اور اس سے پہلے کہ معاملہ مار پیٹ تک پہنچتا لوگوں نے فریقین کو سمجھا بجھا کر گھروں کو روانہ کردیا۔دوسری جانب سعودی عرب میں بھی اس سے ملتا جلتا ہی ایک واقعہ پیش آیا ہے ۔تفصیلات کے مطابق سعودی خاتون نے اپنے شوہر کو دوسری شادی کرنے کی اجازت کے بدلے میں 8لاکھ ریال سے زائد مالیت کا پلاٹ اپنے نام کروا لیا ، پلاٹ کی رجسٹریشن مکمل ہوتے ہیں اہلیہ نے خلع کا دعوی دائر کردیا ۔ سعودی میڈیا کے مطابق مذکورہ شخص نے کہا ہے کہ میری بیوی نے مجھ سے دھوکے کیساتھ پلاٹ لیا ، وکیل سے مشاورت کی ۔

قانونی ماہرین کا کہنا تھا کہ آپ نے اپنی مرضی سے پلاٹ اپنے بیوی کے نام کیا جب تک وہ خاتون آپ کو پلاٹ کے حقوق نہیں دیتی تو اس وقت تک کچھ بھی نہیںہو سکتا ۔سعودی شخص کا کہنا تھا کہ میری بیوی نے مجھے دھوکہ دے کر پلاٹ اپنے نام کروایا اس لیے مجھے یہ کسی صورت قبول نہیں ہے ۔ مذکورہ شخص پلاٹ کیساتھ ساتھ اپنی پہلی بیوی سے بھی ہاتھ دھو بیٹھا جبکہ اس کی دوسری شادی کا خواب ادھورا رہ گیا ۔

موضوعات:شادی