کراچی (این این آئی)پاکستان شوبز انڈسٹری کی نامور اداکارہ حرا مانی نیترک سیریز کے شہرہ آفاق کردار ’حلیمہ سلطان‘ کا روپ اختیار کرلیا۔ترک سیریز ’ارطغرل غازی‘ نے حرا مانی کی فیملی کو اپنے سحر میں جکڑا ہوا ہے، ایسے میں حرا مانی نے بھی ویسا ہی روپ اختیار کیے ایڈیٹ شدہ تصاویر جاری کی ہیں۔حرا مانی نے اپنی انسٹاگرام
اسٹوری میں ’حلیمہ سلطان‘ سے ملتی جلتی تصاویر شیئر کیں جسے دیکھ کر مداح حیران رہ گئے۔ایک اور تصویر میں حلیمہ سلطان کے مخصوص ہرے لباس میں حرا مانی کی ایڈیٹ کی گئی تصویر بھی شیئر کی گئی ہے۔پرستاروں کی جانب سے ایڈیٹ کی گئی تصاویر میں حرا مانی کی سیریز سے محبت بیان کی گئی ہے کیونکہ آج کل وہ اور ان کے بچے اس ڈرامے کے حوالے سے ذکر کرتے دکھائی دیتے ہیں۔ واضح رہے کہ پاکستان شوبز انڈسٹری کی سینئر اداکارہ بشریٰ انصاری نے عالمی وبا کورونا وائرس سے محفوظ رہنے کے لیے ویکسین لگوالی۔بشریٰ انصاری نے اپنے تصدیق شدہ انسٹاگرام اکاؤنٹ پر ایک ویڈیو شیئر کی جس میں وہ ویکسینیشن سینٹر میں موجود کورونا ویکسین لگوا رہی ہیں۔اداکارہ نے اپنے ویڈیو پیغام میں کہا کہ میں آج کورونا ویکسین لگوا رہی ہوں تاکہ خود کو اور اپنے اردگرد کے لوگوں کو عالمی وبا سے بچا سکوں۔اْنہوں نے کہا کہ کورونا ویکسین لگوانے کے بعد پہلی بار مجھے معمر شہری ہونے پر فخر محسوس ہورہا ہے۔بشریٰ انصاری نے مزید کہا کہ ’جو بھی 60 سال کا شہری ہے اْسے اب میری طرح خود کو معمر ماننا پڑے گا اور کورونا ویکسین لگوانی ہوگی۔اداکارہ نے اپنی ویڈیو کے کیپشن میں خوشی کا اظہار کرتے ہوئے لکھا کہ ’میں نے بھی کورونا ویکسین لگوالی۔واضح رہے کہ اس سے قبل ثمینہ پیرزادہ، ارمینا خان اور ریما خان نے کورونا ویکسین لگوائی تھی جس کی اطلاع اْنہوں نے اپنے سوشل میڈیا پیغام کے ذریعے دی تھی۔
