ممبئی (مانیٹرنگ ڈیسک/این این آئی )معروف بھارتی کامیڈین کپل شرماکا پاکستان آنے کی خواہش کا اظہار ۔سماجی رابطے کی ویب سائٹ ٹویٹر پر ایک مداح نے کپل شرما کو کہا کہ پا جی سلام پاکستان سے ،پاکستان آنے کا کوئی چانس ہے ؟ اپنے ایک پاکستان فین کیلئے کوئی ایک لفظ کہیں ،
جس کے جواب میں کپل شرما کا کہنا تھا کہ میں کرتار پور صاحب آنا چاہتا ہوں دیکھیں یہ کب ممکن ہوتا ہوہے ۔ دوسری جانب کورونا وائرس کے باعث سونی ٹی وی انتظامیہ نے ‘کپل شرما شو کو بند کرنے کا فیصلہ کیا ہے۔مشہور کامیڈی شو ‘کپل شرما شو کو نہ صرف بھارت بلکہ پاکستان میں بھی بے حد پسند کیا جاتاہے، پاکستانی کامیڈین نسیم وکی بھی شو کا حصہ رہ چکے ہیں،’کپل شرما شو‘ صرف عوام ہی نہیں بلکہ بھارتی اداکاروں کو بھی بے حد پسند ہے تاہم کورونا وائرس کے باعث لاک ڈاؤن نے جہاں دیگر کاروبار کو متاثر کیا ہے وہیں ‘کپل شرما شو بھی مالی مشکلات کا شکار ہے۔بھارتی میڈیا کے مطابق کورونا وجہ سے ایک تو فلمز کم بن رہی ہیں اور وائرس پھیلنے کے خدشے کے پیش نظر شو میں عوام کی شرکت پر بھی پابندی ہے جب کہ کم فلمز کی وجہ سے پروموشن متاثر ہوئی ہے اور یہی وجہ ہے کہ ‘کپل شرما شو کو اگلے ماہ فروری سے بند کرنے کا فیصلہ کیا گیا ہے، شو کی ٹیم کے مطابق جب حالات نارمل ہوں گے تو ‘کپل شرما شو ایک بار پھر سے شروع کیا جائے گا۔