منگل‬‮ ، 14 اکتوبر‬‮ 2025 

تہمت لگائی ہے تو اب سامنے آ کر ثابت بھی کریں‘شہروز سبزواری کا تنقید کرنے والوں کو چیلنج‎

datetime 2  جون‬‮  2020
ہمارا واٹس ایپ چینل جوائن کریں

تہمت لگائی ہے تو اب سامنے آ کر ثابت بھی کریں‘شہروز سبزواری کا تنقید کرنے والوں کو چیلنج‎کراچی (این این آئی)پاکستانی اداکار شہروز سبزواری کی ماڈل اور اداکارہ صدف کنول سے شادی کی تصاویر منظرِ عام پر آنے کے بعد پاکستانی سوشل میڈیا پر اس بارے میں بحث تھمنے کا نام نہیں لے رہی۔صدف کنول شہروز سبزواری کی دوسری اہلیہ ہیں اور انھیں ماضی میں شہروز سبزواری اور ان کی پہلی بیگم سائرہ یوسف کے

درمیان علیحدگی کی وجہ قرار دیا جاتا رہا ہے اور شادی کی تصاویر سامنے آنے کے بعد یہ بحث دوبارہ چھڑ گئی ہے۔اس بحث میں جہاں شہروز اور صدف کو تنقید کا نشانہ بنایا جا رہا ہے وہیں سائرہ یوسف سے ہمدردی کا اظہار اور ان کے کردار کی تعریف بھی ہو رہی ہے۔اسی دوران  شہروز سبزواری نے ایک ویڈیو کے ذریعے ان کے بارے میں ’افواہیں‘ پھیلانے والوں کو چیلنج کیا ہے کہ وہ سامنے آئیں اور ثابت کریں کہ ان کی پہلی شادی کے خاتمے کی وجہ ان کی موجودہ بیگم تھیں۔سائرہ اور شہروز کی شادی 2012 میں ہوئی تھی اور اگست 2019 میں اس جوڑے کے درمیان علیحدگی اور پھر طلاق ہو گئی تھی۔‎سائرہ سے طلاق کے بعد شہروز نے صدف کنول سے حال ہی میں شادی کی ہے جس کے بعد پاکستان میں سوشل میڈیا پر انھیں کڑی تنقید کا نشانہ بنایا گیا ہے۔اپنے ویڈیو پیغام میں شہروز سبزواری کا کہنا تھا کہ جو کچھ ان کے اور ان کے خاندان کے بارے میں کہا جا رہا ہے وہ ناقابلِ برداشت ہے۔ان کا کہنا تھا کہ وہ حلفاً کہتے ہیں کہ ان کی اور سائرہ کی علیحدگی کی وجہ کوئی بھی عورت بشمول ان کی دوسری بیگم صدف کنول یا ان کی پہلی بیگم سے بیوفائی نہیں تھی۔سائرہ اور شہروز کی شادی 2012 میں ہوئی تھی اور اگست 2019 میں اس جوڑے کے درمیان علیحدگی اور پھر طلاق ہو گئی تھی۔ان کا یہ بھی کہنا تھا کہ وہ کھلاچیلنج دے رہے ہیں کہ جو بھی یہ کہتا ہے کہ انھوں نے کسی عورت کی وجہ سے اپنی پہلی اہلیہ کو طلاق دی تو وہ سامنے آئے اور ثبوت دے۔ان کا کہنا تھا کہ انھوں نے اور سائرہ نے کوشش کی کہ ان کا رشتہ نہ ٹوٹے لیکن جس انتہائی ذاتی بات پر علیحدگی ہوئی تھی وہ معاملہ حل نہیں ہو سکا۔

ان کا کہنا تھا کہ وہ سائرہ کو طلاق نہیں دینا چاہتے تھے اس لیے سائرہ اور ان کا رشتہ مبارات یا خلع کے تحت بہت عزت و احترام کے ساتھ ختم ہوا۔شہروز سبزواری کا کہنا تھا کہ وہ صدف کنول سے سائرہ یوسف سے علیحدگی کے چار ماہ بعد ملے تھے۔ان کا کہنا تھا کہ ان کی پہلی ویڈیو کو توڑ مروڑ کر پیش کیا جا رہا ہے اور وہ حلفاً کہتے ہیں کہ اس میں کہی گئی ایک بات بھی جھوٹ نہیں ہے۔شہروز سبزواری نے یہ بھی کہا کہ وہ یہ ویڈیو اپنی بیٹی کے لیے بنا رہے ہیں۔ ’شاید آج سے چار پانچ برس بعد وہ یہ سب دیکھے گی تو یہ میرا اس کے لیے جواب ہو گا۔خیال رہے کہ شہروز سبزواری اور سائرہ یوسف ایک چھ سالہ بیٹی کے والدین ہیں۔‎

موضوعات:

آج کی سب سے زیادہ پڑھی جانے والی خبریں


کالم



یہ ہے ڈونلڈ ٹرمپ


لیڈی اینا بل ہل کا تعلق امریکی ریاست جارجیا سے…

دنیا کا واحد اسلامی معاشرہ

میں نے چار اکتوبر کو اوساکا سے فوکوشیما جانا…

اوساکا۔ایکسپو

میرے سامنے لکڑی کا ایک طویل رِنگ تھا اور لوگ اس…

سعودی پاکستان معاہدہ

اسرائیل نے 9 ستمبر 2025ء کو دوحہ پر حملہ کر دیا‘…

’’ بکھری ہے میری داستان ‘‘

’’بکھری ہے میری داستان‘‘ محمد اظہارالحق کی…

ایس 400

پاکستان نے 10مئی کی صبح بھارت پر حملہ شروع کیا‘…

سات مئی

امریکی وزیر خارجہ مارکو روبیو نے وزیر خارجہ اسحاق…

مئی 2025ء

بھارت نے 26فروری2019ء کی صبح ساڑھے تین بجے بالاکوٹ…

1984ء

یہ کہانی سات جون 1981ء کو شروع ہوئی لیکن ہمیں اسے…

احسن اقبال کر سکتے ہیں

ڈاکٹر آصف علی کا تعلق چکوال سے تھا‘ انہوں نے…

رونقوں کا ڈھیر

ریستوران میں صبح کے وقت بہت رش تھا‘ لوگ ناشتہ…