نیویارک(این این آئی) شوبز انڈسٹری میں قدم رکھتے ہوئے نام تبدیل کرنے کی روایت بہت پرانی ہے اور کئی ایسے عالمی شہرت یافتہ اداکار اور اداکارائیں ہیں جنہوں نے اسی عرف عام سے شہرت پائی اور آج بھی کم ہی لوگ ان کے اصلی نام جانتے ہیں۔

ڈیلی سٹار کے مطابق اداکار جوڈ لا عالمی شہرت یافتہ اداکار ہیں لیکن آپ بتا سکتے ہیں کہ ان کا اصلی نام کیا ہے؟ ان کا اصلی نام ڈیوڈ جوڈ لا ہے۔ اسی طرح ٹام کروز کو کون نہیں جانتا لیکن یہ بہت کم لوگ جانتے ہوں گے کہ ان کا اصلی نام تھامس کروز میپوتھر ہے۔ انہوں نے اپنے منیجر کے کہنے پر اپنے نام کو مختصر کیا۔کیٹی پیری نے جب انڈسٹری میں قدم رکھا تو ان کے نام سے پہلے ہی ایک اداکارہ موجود تھی چنانچہ الگ شناخت بنانے کے لیے انہوں نے اپنا نام کیٹی پیری رکھ لیا۔ ان کا اصلی نام کیتھرین الزبتھ ہڈسن ہے۔ اسی طرح اداکارہ ڈیمی مور کا اصلی نام ڈیمیٹریا جین گنیس ہے جس میں انہوں نے ترمیم و تحریف کرکے اسے ڈیمی مور بنا لیا، کیونکہ ان کا اصلی نام بہت مشکل اور طویل تھا۔ اداکارہ مائیکل کیٹن کے ساتھ بھی کیٹی پیری والا معاملہ ہوا۔ اس کے اصلی نام سے بھی پہلے ہی ایک اداکار انڈسٹری میں موجود تھا اور وہ کافی مشہور بھی تھا چنانچہ مائیکل کیٹن کو اپنا نام تبدیل کرنا پڑا۔ ان کا اصلی نام مائیکل ڈوگلس تھا چنانچہ انہوں نے اپنا دوسرا نام ڈوگلس سے بدل کر کیٹن رکھ لیا۔ اسی طرح ہلک ہوگن کا اصلی نام ٹیری جین بولیا ہے۔ اداکارہ نتالی پورٹ مین کا اصلی نام نتالی ہرشلیگ تھا۔ معروف اداکارہ جینیفر اینسٹن کا اصلی نام جینیفر لین انستاساکیس تھا۔

موضوعات:ٹام کروز