کھڈیاں خاص (این این آئی)اداکارہ ماہرہ خان کو دنیا کی پرکشش خواتین میں شمار کرلیاگیا،تفصیلات کے مطابق ایک انٹرنیشنل فیشن و شوبز میگزین نے دنیا کی پرکشش ترین خواتین کی لسٹ پیش کی ہے جس میں ماہرہ خاں کو بھی شامل کیا گیاہے اس ریٹنگ پر بات چیت کرتے ہوئے ماہرہ خان نے کہاکہ خوبصورتی اللہ کی دین ہے ا سپر جتنا بھی شکر اداکیا جائے کم ہے۔ایک سوال کے جواب میں ماہرہ خان نے کہاکہ خوبصورتی کے کئی لیول ہوتے ہیں انٹرنیشنل میگزین نے
شوبز کی دنیا سے مختلف قسم کی اداکارائوں کا سروے کروایا جس میں دنیا کی پرکشش خواتین کا انتخاب کیا گیا اس لسٹ میں ہالی ووڈ کی ٹاپ سٹارز بھی شامل ہیں ان میں میرا نام بھی اس ریٹنگ میں آیا جس کا انٹرنیشنل میگزین کے ججز اور ناقدین نے برملا اظہار کیا ہے ۔ماہرہ خان نے کہاکہ مجھے اس ریٹنگ میں لانے پر میں اپنے دنیا بھرمیں موجود پرستاروں اور میگزین انتظامیہ کی بھی شکر گزار ہوں جنہوں نے مجھے دنیا کی پرکشش خواتین میں شمار کیا۔
