لندن( آن لائن ) 1960کے عشرے کے شہرہ آفاق انگلش راک بینڈ بیٹلز کے گلو گارجان لینن کا چشمہ 2 لاکھ امریکی ڈالر میں نیلام ہوا ۔ گول اور سبز شیشوں والی اس عینک کا فریم سنہری رنگ کا ہے۔ سادوبیز نیلام گھر سے جاری بیان میں میوزیکل آرٹسٹ ایلن ہیرنگ نے

بتایا کہ 1968 میںاسے اور موسیقاروں جارج ہیریسن اور رنگو سٹرکوجان لینن کے ہمراہ سفر کا اتفاق ہوا تھا ۔جب جان لینن کار سے اترے تو اپنا چشمہ پچھلی سیٹ پر بھول گئے جس کا ایک شیشہ اور فریم ٹوٹی ہوئی تھی۔جان نے میری خواہش پر یہ عینک مجھے دے دی جسے میں نے آن لائن نیلامی کے دوران ایک لاکھ 37 ہزار پانچ سو یورو میں بیچ دیا۔ انہوں نے بتایا کہ نیلامی میں رکھی گئی دیگر اشیا میں جارج ہیریسن کا ہار بھی ہے جس کی قیمت 10ہزار یورو رکھی گئی ہے۔ انہوں نے کہا کہ میں خاندانی مسائل کی وجہ سے اپنے پاس موجودتمام نوادرات نیلام کر رہا ہوں ۔ واضح رہے کہ 40 سالہ جان لینن کو 1980 میں ان کے اپارٹمنٹ کے باہر ایک مداح نے گولی مار کر قتل کر دیا تھا جبکہ موسیقار جارج ہیریسن2001 میں 58 سال کی عمر میں پھیپھڑوں کے کینسر کی وجہ سے چل بسے تھے۔