لاہور( این این آئی)لالی ووڈ سٹار مائرہ خان نے کہا ہے کہ کسی کی نجی ویڈیو سوشل میڈیا پر وائرل کرنا اخلاقیات کے منافی ہے ۔ اداکارہ مائرہ خان کی اپنے دوست کی شادی پر ڈانس کرتے ہوئے ویڈیو سوشل میڈیا پر وائرل ہو گئی جس پر رد عمل کا اظہار کرتے ہوئے مائرہ خان نے کہا ہے کہ یہ ذاتی نوعیت کی تقریب تھی لیکن اس میں میرے ڈانس کی ویڈیو کو سوشل میڈیا پر وائرل کر دیا گیا ۔ جو لوگ اس طرح کا کام کرتے ہیں مجھے ان
سے شدید اختلافات ہے اور میں ان سے یہی کہوں گی کہ کسی کی نجی زندگی کو مذاق نہیں بنانا چاہیے ۔ انہوں نے کہا کہ ہم بھی انسان ہیں اور ہماری بھی اپنی کوئی زندگی ہے کیا ہمارا یہ حق نہیں کہ ہم آزادانہ نقل و حرکت اور اس طرح کی تقریبات میں شریک ہو سکیں ۔ انہوں نے کہا کہ میری اپیل ہے کہ کسی بھی اداکار یا اداکارہ کے نجی معاملات کو اس طرح سوشل میڈیا پر نہیں پھیلانا چاہیے کیونکہ اس سے مختلف تنازعات جنم لیتے ہیں۔
