لاہور(این این آئی)نامور اداکارہ و گلوکارہ عینی طاہر ہ ان دنوں ترکی کی سیر و تفریح میں مصروف ہیں ۔عینی طاہرہ نے ٹیلیفون پر خصوصی گفتگو کرتے ہوئے بتایا کہ مسلسل شوبز سر گرمیوں کی وجہ سے ذہنی تھکاوٹ کا شکار ہو گئی تھی اور اس وجہ سے میں نے سیرو تفریح کا پروگرام بنایا ۔ میری کئی سالوں سے بڑی خواہش تھی کہ میں ترکی کے مختلف مقامات کی سیر کروں ۔ انہوں نے کہا کہ ترکی بہت خوبصورت ملک ہے ،یہاں کے لوگ بہت

ملنسار ہے اور خاص طو رپر پاکستانیوں سے والہانہ محبت کا اظہار کیا جاتا ہے ۔ انہوں نے کہا کہ ترکی ثقافت کو بڑی قریب سے دیکھا ہے اور ا س سے بڑی متاثر ہوئی ہوں ، زندہ قومیں ہمیشہ اپنی ثقافت سے جڑی رہتی ہیں ۔ ترکی پوری دنیا میں اپنی ثقافت کو متعارف کرانے کے لئے کوشاں ہے ہمیں بھی انکی پیروی کرنی چاہیے اور ان سے مدد لینی چاہیے اور اس سے ہماری سیاحت بھی فروغ پائے گی ۔